कार्तिक ४,चितवन।
सरिता इभेन्टको आयोजनामा विशिष्ट व्यक्तित्व सम्मान तथा वेस्ट अफ समर फेसन रन वे सिजन २ सम्पन्न भएको छ।
भरतपुर ४ मा रहेको ग्यालेक्सी गार्डेन रिसोर्टमा शनिबार कार्यक्रम आयोजना गरिएको थियो।
विभिन्न विधामा रहनु भएका ५५ जना भन्दा धेरै विशिष्ट व्यक्तित्वहरुलाई सम्मान गरिएको सरिता इभेन्टको अध्यक्ष सरिता आचार्यले जानकारी दिनु भयो। उक्त सम्मान कार्यक्रममा बागमती प्रदेशका संस्कृति,पर्यटन तथा सहकारी मन्त्री माननीय विमला ठकुरीको प्रमुख आथित्यता रहेको थियो। कार्यक्रममा भरतपुर महानगरपालिकाका उप प्रमुख चित्रसेन अधिकारी, सेन्ट्रल कलेजका प्राचार्य यज्ञ विलास पौडेलको समेत विशिष्ट अतिथिको रुपमा।उपस्थिति रहेको थियो। अतिथिको रुपमा भरतपुर २३ का वडा अध्यक्ष दीपक दवाडी रहनु भएको थियो।
चितवनमा रहेर लामो समय देखि विभिन्न क्षेत्रमा योगदान पुर्याउदै आइरहनु भएका ५५ भन्दा धेरै व्यक्तिहरू कार्यक्रमका सम्ममातिन हुनु भएको हो। कार्यक्रममा चिकित्सक तथा स्वास्थ्यकर्मी, पत्रकार, शिक्षक, साहित्यकार, कलाकार, खेलाडी, सामाजिक अभियन्ता, सफल युवा उद्यमी, सफल महिला उद्यमी, समाज सेवी, सामाजिक संस्थाहरुलाई समान गरिएको थियो।
