जेठ १८, भरतपुर।
प्लस साइज नेपालको आयोजनामा सुरु भएको मिस प्लस साइज चितवन २०२४ को ओरिन्टेसन आज भरतपुर १२ मा रहेको क्लब डी इभकमा सम्पन्न भएको छ। आज सम्पन्न ओरिन्टेसनमा मिस प्लस साइज चितवन २०२४ को जेठ १६ गते बुधबार भएको पहिलो चरणको अडिसनबाट छनोट भएका १५ जना प्रतिस्पर्धी महिलाहरुको उपस्थिति रहेको थियो। कार्यक्रममा प्लस साइज नेपालका अध्यक्ष विष्णु बोहोरा , प्लस साइज नेपालको निर्देशक माया बोहोरा, मिस प्लस साइज चितवन २०२४ का निर्देशक रञ्जित क्षेत्री, कोर्डिनेटर दृष्टी थापा, कोरियोग्राफर रोहित चौधरी, एसिस्टेन् कोरियोग्राफर सरिता विश्वकर्मा लगाएतको उपस्थिति रहेको थियो।
प्लस साइज नेपालले चितवनमा पहिलो पटक (प्लस साईज) ६० केजी भन्दा माथि तौल भएका १६ वर्ष देखि ३५ वर्ष सम्मका विवाहित तथा अविवाहित महिलाहरुको सुन्दरतालाई निखारता ल्याउने, उनीहरूको क्षमता अभिवृद्धि गर्ने र नेतृत्वदायी भूमिका निर्वाहा गर्ने उद्येश्यले आयोजना गरेको मिस प्लस साइज चितवन २०२४ मा सहभागी प्रतिस्पर्धीहरुमा देखिएको उत्साहले आफू निकै हर्षित रहेको प्लस साइज नेपालका अध्यक्ष विष्णु बोहोराले बताउनु भयो।
पहिलो अडिसनमा उपस्थित हुन नसकेका महिलाहरु र थप इच्छुक महिलाहरुका लागि अब २/३ दिन भित्रै दोस्रो अडिसनबाट छनोट गरिने मिस प्लस साइज चितवन २०२४ का निर्देशक रञ्जित क्षेत्रीले जानकारी दिनु भयो। पहिलो अडिसनबाट छनोट भएका महिलाहरुलाई जेठ २० गते आईतबारबाट विभिन्न तालिम, वर्कसप आदि गराइने र उनीहरूको सुन्दरतालाई निखारता ल्याउदै असार दोस्रो सातामा हुने फिनाले सम्ममा अझै सफल बनाउने कार्यक्रममा निर्देशक रञ्जित क्षेत्रीले बताउनु भयो।
चितवनसँगै पोखरा, धरान, बिर्तामोड, नेपालगञ्जमा पनि यो कार्यक्रम हुने प्लस साइज नेपालका प्रमुख कार्यकारी अधिकृत अनिल बस्नेतले बताउनु भयो । यी शहरबाट छानिने विजेता र फर्स्ट रनर अपले काठमाडौंमा हुने मिस प्लस साइज नेपालमा सहभागी हुने अवसर पाउनेछन् । यस्तै मिस प्लस साइज नेपाललाई अन्तराष्ट्रिय सौन्दर्य प्रतियोगिता सहभागी गराइने बस्नेतले जानकारी दिनु भयो।
