रत्ननगर । रत्ननगर वडा नं १२ मा रहेको शान्तिकुञ्ज सामाजिक उद्यमी महिला सहकारी संस्थाको १५औं स्थापना दिवसको अबसरमा शेयर सदस्य लक्षित दुई छुट्टा छुट्टै कार्यक्रम गरिएको छ।
दिवसको अबसरमा बुधबार शेयर सदस्यहरुको स्वास्थ्य परीक्षण गरेको सो सहकारीले विहीबार सहकारी शिक्षा सम्बन्धी प्रशिक्षण कार्यक्रम गरेको हो ।
शेयर सदस्यहरुको स्वास्थ्य रक्षाका लागि स्वास्थ्य परीक्षण शिविर र सहकारीको स्थापना, कारोबार र उद्देश्यका बारेमा बुझाउन सहकारी शिक्षा सम्बन्धी प्रशिक्षण कार्यक्रम गरिएको संस्थाकी अध्यक्ष निर्मला दंगालले बताइन् ।
सेवा नेपालकी अध्यक्ष तथा राष्ट्रिय सहकारी महासंघकी सञ्चालक सदस्य पार्वती न्यौपाने प्रमुख अतिथि रहेको सो कार्यक्रममा जिल्ला सहकारी संघका बरिष्ठ उपाध्यक्ष प्रेमनाथ दुवाडीले सहकारी शिक्षा सम्बन्धी प्रशिक्षण दिएका थिए ।
उद्घाटन कार्यक्रममा कार्यपालिका सदस्य एशोधा पौडेल, सहकारीका सल्लहाकार रघुनाथ भट्ट लगायतले मन्तव्य राखेका थिए ।
सचिव सम्झना लामिछानेले सञ्चालन गरेको सो कार्यक्रममा उपाध्यक्ष दुर्गाबरालले स्वागत मन्तव्य राखेकी थिइन् । शान्तिकुञ्ज सामाजिक उद्यमी महिला सहकारी संस्था र जनस्वास्थ्य कार्यालयको सयुक्त आयोजना र जिल्ला सहकारी संघको समन्वयमा गरिएको स्वास्थ्य परीक्षण शिविरमामा १६७ जनाले स्वास्थ्य परीक्षण गरेका छन् ।
जिल्ला जनस्वास्थ्य कार्यालयबाट जयराम दुवाडी र बकुलहर रत्ननगर अस्पतालका डा.निश्चिल कार्कीको टोलीले स्वास्थ्य जाँच गरेका थिए ।
कार्यक्रम सहकारीकी अध्यक्ष दंगालको अध्यक्षतामा भएको सो कार्यक्रममा रत्ननगरका स्वास्थ्य शाखा प्रमुख माधव प्रसाद पौडेल लगायतले मन्तव्य राखेका थिए ।
२०६६ सालमा स्थापना भएको सो सहकारीको १ हजार १५० जना शेयर सदस्य रहेका छन् । सो सहकारीले आर्थिक कारोबारसंगै दुध संकलन, विविधिकरण, मल, विउ तथा दाना चोकर खरिद विक्री गर्दै आएको छ ।
