९ चैत्र,चितवन ।पुर्बीचितवनको रत्ननगरमा यस बर्ष पनि होली म्यूजिक फेष्टाको पाचौं संस्करण हुने भएको छ । रत्ननगर जुनियर जेसीजले यहि चैत्र १२ गते होलि बिशेष कार्यक्रम आयोजना गरेको हो ।मौलिक चाडपर्बलाई जगेर्ना गर्न र स्थानियतालाइ प्रोत्साहन गर्न होलि बिशेष कार्यक्रम गरिएको रत्ननगर जुनियर जेसिजकी अध्यक्ष रेनुका ढकालले जानकारी दिनुभयो।उहाँले बिकृती न्यूनीकरण गर्न सामाजिक संस्थाले खेलेको भुमिकाले नयाँपुस्तामा सकारात्मक प्रभावपर्नेमा बिश्वास व्यक्त गर्नुभयो।
उहाँका अनुसार होलि बिशेष कार्यक्रममा ३ वटा ब्यान्ड र रत्ननगर डान्स एकेडेमीको बिशेष प्रस्तुती रहनेछ । कार्यक्रम परिसरमा विभिन्न खानाका परिकारहरुको स्टलहरु समेत रहने बताइएको छ ।
रत्ननगरको सौराहाचोक स्थित होटल गंगोत्री हाइवेमा कार्यक्रम मध्यान्ह १२ बजे देखि साझ ६ बजेसम्म हुनेछ।कार्यक्रममा प्रबेशका लागि २०० रुपियाँ लाग्नेछ।कार्यक्रममा उठेको रकम युवाबिकासका लागि लगानी गरिने आयोजकको भनाइ छ । रत्ननगर जुनियर जेसीजले विगतका बर्ष देखि होली कार्यक्रम गर्दै आइरहेको थियो।
