नेपाल भेटेरिनरी एशोसिएसन बागमती प्रदेशले आगामी आर्थिक वर्ष ८०/८१ को लागि भेटेरिनरी पेशाको सुदृढीकरण तथा किसानमुखी पशु सेवा प्रदान गर्न कृषि तथा पशुपन्छी विकाश मन्त्रालयमा सुझाव पत्र बुझाएको छ| संघिय संरचना अनुसार ‘एक पालिका, एक पशु चिकित्सक’ कार्यक्रम प्रभावकारी रुपमा कार्यान्वयन गर्न, किसानको लागि पशु चिकित्सक, नया प्रविधि संग भेटेरिनेरियन, मानव स्वास्थ्यको लागि भेटेरिनेरियनको जिम्मेवारी कार्यक्रम सहित ८ बुँदे सुझाव पत्र मन्त्रालयका सचिव डा. शरण कुमार पाण्डेलाई बुझाएको नेपाल भेटेरिनरी एशोसिएसन, बागमती प्रदेशका सचिव डा. पवन आचार्यले बताए|
उक्त सुझाव पत्र बुझ्दै सचिव डा. पाण्डेले स्वस्थ पशुजन्य उत्पादन, पशु रोगको नियन्त्रण तथा रोकथाममा नेपाल भेटेरिनरी एशोसियसनको प्रभावकारी भूमिका रहेको बताउदै कृषि तथा पशुपन्छी विकाश मन्त्रालय र नेपाल भेटेरिनरी एशोशियसन बागमती प्रदेशले किसानमुखी कार्यक्रममा सहकार्य गरि अगाडी बढ्ने बताए|
