बैशाख २६, चितवन । भरतपुर १२ निवासी नेपाली कांग्रेस बागमती प्रदेशका अनिल परियारको शव चितवन मेडिकल कलेजबाट पोष्टमार्टमको लागि भरतपुर अस्पताल लगिएको छ ।

Advertisement

भरतपुरको चितवन मेडिकल कलेजअघि हत्यामा संलग्नलाई पक्राउको माग गर्दै विरोध प्रदर्शन भएको थियो । बागमती प्रदेश सांसद मिलनबाबु श्रेष्ठले हत्यामा संलग्नहरु खोजी गरी कानुनी कारबाहीमा ल्याउने सहमति भएसँगै पोष्टमार्टमको लागि शव भरतपुर अस्पताल पठाइएको बताए ।

Advertisement

हत्याको विरोधस्वरुप भरतपुरमा भएको एक घन्टाको चक्काजाम खुलेको प्रहरीले जनाएको छ ।
भरतपुर महानगरपालिका–७, कृष्णपुरमा गए राति करिव ७ः३० बजे अज्ञात समूहको छुरा प्रहारबाट परियारको मृत्यु भएको चितवन प्रहरीले जनाएको छ । नेपाली कांग्रेस चितवनलगायत भातृसंगठनहरुले विज्ञप्ति जारी गरी दोषीलाई कानुनी दायरामा ल्याउन माग गरेका छन् ।