बैशाख १०, चितवन । चितवनको भरतपुरमा रहेको सामुदायिक रेडियो भरतपुरको टावर आज दिउँसो वर्षासँगै आएको हावाहुरीले ढलेको छ । भरतपुर–४ यज्ञपुरीमा रहेको रेडियोको टावर हावाहुरीले ढल्दा रेडियोको एन्टिना भाँच्चिएपछि प्रसारण अवरुद्ध भएको छ ।

Advertisement

टावर रेडियो स्टेशनको घरको छतमा ढलेको छ । हावाहुरीले टवरसंगै सोलार प्यानल समेत उडाएको रेडियोका अध्यक्ष नविनराज पौडेलले जानकारी दिए । रेडियो आफ्नै भवनमा एक महिना अघिमात्रै सारिएको थियो । सो क्रममा टावर पनि नयाँ जडान गरिएको थियो । हावाहुरीका कारण रेडियोमा १५ लाख बराबरको क्षति भएको अध्यक्ष पौडेलले बताउनुभयो ।

Advertisement

टावरमा क्षति भएसंगै सो क्षेत्रको विद्युत समेत अबरुद्ध भएको छ ।