भरतपुर-५, तोरिखेत चितवन स्तिथ भवानी डेरी र डेलिभरी कम्पनी मेरो किनमेल बिच भवानी डेरीको सम्पूर्ण उत्पादन चितवन नवलपुर क्षेत्रमा डेलिभरीका लागि बिसेष सहकार्य गर्न दुई पक्षले सम्झौता गरेका छन । उक्त सम्झौतामा भवानी डेरीको तर्फबाट क्षेत्रीय बिक्री प्रमुख पुरन कुमार छेत्री र मेरो किनमेलको तर्फबाट विभागीय प्रमुख समिर कुमार श्रेष्ठले गर्नुभएको छ ।
बिगत छ वर्ष देखि उच्च गुणस्तरको दुध तथा दुग्ध जन्य पदार्थ उत्पादन गर्दै चितवन नवलपुर क्षेत्रमा निकै लोकप्रिय रहेको भवानी डेरी र चितवन नवलपुर मकवानपुर रुपन्देही तथा पर्सा जिल्लामा फूड डेलीभरी गरिरहेको कम्पनी मेरो किनमेल बिचको सहकार्यले दुवै पक्षलाइ फाइदा हुने कुरा मेरो किनमेलका समिर कुमार श्रेष्ठले बताउनुभयो। साथै यस सहकार्यले भवानी डेरी लाइ चितवन नवलपुरका सम्पूर्ण शहर बजार अफिस घर तथा दुर दराजका क्षेत्रमा पुग्नको लागि सहज बनाउनेकुरा भवानी डेरीका पुरन कुमार छेत्री बताउनुभयो र समय समयमा बिषेश छुट योजना पनि ल्याइने कुरा जानकारी दिनुभएको छ ।
दुई हजार भन्दा बढी थोक तथा खुद्रा पसलमा आफ्नो मजबुत उपस्थिति जनाई दुध, दहि, लस्सी, घ्यु, पनिर, नौनी, टेबल बटर, छुर्पी, चिज, कप दहि लगाएतका उत्पादनले ग्राहकहरु माझ लोक्रप्रिय भवानी डेरीले भरतपुर ७ गौतम चोक , भरतपुर १० दीपेन्द्र चोक, भरतपुर ११ बिशाल चोक र रत्ननगर २ हाइ स्कुल रोडमा आफ्नै बिक्रि केन्द्र पनि सञ्चालन गरिरहेको छ ।
