विगत लामो समयदेखि सामाजिक क्षेत्रमा निकै नै क्रियाशील संस्था ब्लड डोनर सोसाइटी नेपाल विशुद्ध सामाजिक काम गर्नका लागि स्थापित भएको संस्था हो। संस्थाले विगतमा विशेष गरी रगतको समस्यालाई मध्यनजर गर्दै रगत व्यवस्थापनको निमित्त विभिन्न अभियानहरु सम्पन्न गर्दै आइरहेको कुरा हामी सबैलाई अवगत नै छ विशेषगरी बिरामीलाई रगत आवश्यकता पर्दै गर्दा रगतको सहजताका निमित्त स्थापित भएको यो संस्था दुई वर्ष पूरा भई तेस्रो वर्षमा प्रवेश गरिसकेको छ र यो क्रममा संस्थाले विभिन्न ठाउँमा आफ्नो शाखाहरु स्थापित गर्न सफल भएको कुरा यहाँहरुलाई अवगत नै छ । ब्लड डोनर सोसाइटी नेपालले आफ्नो सेवालाई थप व्यवस्थित गर्नका निमित्त चितवन जिल्ला कमिटी गठन गर्दैछ। ब्लड डोनर सोसाइटी नेपालले यही मिति २०८१ साल जेष्ठ २६ गते बिहान ११ बजे होटल ग्लोबल २४ कोटीमा आफ्नो कार्यक्रम गर्दैछ। उक्त कार्यक्रममा ब्लड डोनर सोसाइटी नेपालले रगतको आवश्यकतालाई मध्यनजर गर्दै र रगत सहजीकरणको यात्रालाई थप प्रभावकारी बनाउनका निमित्त चितवन जिल्ला समिति गठन गर्न लागेको हो।
