जेठ १० चितवन ।
न्यौपाने कल्याण समाज केन्द्रिय समिति कौडिन्य ऋषि आश्रम देवघाटधाम चितवनको आयोजनामा चण्डी पुर्णिमाको अवसरमा वार्षिक कूलपूजा तथा विविध कार्यक्रम गरि सम्पन्न भएको छ।
सर्व प्रथम प्रातकालमा कूल मन्दिर परिसरमा कूल देवताको पूजा हवन आरतीको शुभारम्भ गरि भर्खरै नवनिर्माण गरि सम्पन्न प्रतीक्षालय चौतारी तथा बन्धुमिलन सभाहलको उदघाटन गरिएको थियो । स्व. आमा चन्द्रकला तथा स्व.बुबा टिकाराम न्यौपानेको स्मृतिमा छोरीहरु भगवती घिमिरे ,अन्नपूर्ण अधिकारी छोरा बुहारी मधुसूदन /उत्तम न्यौपाने ,केदार / बिमला न्यौपाने ,माधव / भगवती न्यौपाने ,ऋषिराम / सीतादेवी न्यौपाने ,द्वारा निर्मित प्रतिक्षालयको अभिभावक गंगा देवी न्यौपाने द्वारा उदघाटन गरिएको थियो । साथै भर्खरै नवनिर्मित न्यौपाने बन्धु मिलन सभाहलको संस्थाका संरक्षक तथा वरिष्ठ सल्लाहकार यमुना प्रसाद न्यौपाने र समाज का अध्यक्ष श्री रामहरि न्यौपाने द्वारा संयुक्त रूपमा उदघाटन गरिएको थियो । तत्पश्चात औपचारिक कार्यक्रमको शुरूवात भएको थियो । संस्थाका अध्यक्ष रामहरि न्यौपाने को अध्यक्षता ,प्रमुख अतिथि संरक्षक हेम बहादुर न्यौपाने ,अतिथिहरुमा वरिष्ठ सल्लाहकार यमुना प्रसाद न्यौपाने,सल्लाहकार श्री हरि प्रसाद न्यौपाने ,सल्लाहकार श्री नामदेब न्यौपाने ,सल्लाहकार श्री डा बिजय राज न्यौपाने लगायत उपाध्यक्षहरु ,कोषाध्यक्ष ,कार्यसमिति सदस्यहरु,सल्लाहकार समितिहरु लगायत विशिष्टजन बन्धु हरुको आतिथ्यता रहेको थियो ।
कार्य प्रगति विवरण अध्यक्ष रामहरि न्यौपाने ले प्रस्तुत गर्नु भएको थियो । जस अनुसार वहाँले कौडिन्य ऋषि आश्रम स्थापनाको लागि पहल गर्नुहुने संस्थापक अध्यक्ष स्व. बुबा बन्धुराज न्यौपाने को संकल्प र प्रेरणाले आफूले न्यौपाने कल्याण समाज नेपालका पदाधिकारी ज्युहरु र शुभचिन्तक बन्धुहरुको साथ र सहयोग तथा भरतपुर महानगर पालिका ,रत्ननगर नगरपालिकाको आर्थिक सहयोगमा कूलमन्दिर परिसरमा न्यौपाने बन्धु सभाहल तथा अन्य भौतिक निर्माण कार्य सम्पन्न भएको तथा आगामी वर्षमा आश्रमको भौतिक निर्माण गरि ज्येष्ठ नागरिक बन्धुहरु लगायत बन्धुहरुलाइ थप सेवा सुविधा दिने विषयमा जोड दिनु भयो।
कार्यक्रमको दौरानमा नयाँ आजीवन सदस्यहरु तथा ज्येष्ठ नागरिक बन्धुहरुलाइ सम्मान पत्र र खादा सहित सम्मान गरिएको थियो । कवि गुरुप्रसाद न्यौपाने द्वारा कविता सङ्ग्रह सिर्जनाको फूलबारी बाचन गरि सुनाउनु भएको थियो ।
कार्यक्रमको संचालन तथा सहजीकरण महासचिव ऋषिराम न्यौपानेले गर्नु भएको थियो ।अन्त्यमा अध्यक्ष द्वारा कार्यक्रमको समापन गरि उपस्थित सम्पूर्ण न्यौपाने बन्धुहरुलाई प्रसाद वितरण गरिएको थियो । कार्यक्रममा चितवन तथा आसपासका जिल्लाहरुबाट न्यौपाने बन्धुहरुको उल्लेखनीय उपस्थिति रहेको थियो ।
