वैशाख ५,भरतपुर
मोक्षालय मल्टीप्रपोज प्राइभेट लिमिटड कम्पनीको स्टार्टप फिस्टा सम्पन्न भएको छ।
आज भरतपुर महानगरपालिका वडा नं ७ मा रहेको मोक्षालयको सभा हलमा कार्यक्रम सम्पन्न भएको हो। नव युवा उद्यमीहरुलाई केही हौसला प्रदान गर्ने उद्येश्यले उक्त कार्यक्रम आयोजना गरिएको मोक्षालयका अध्यक्ष मनिष पौडेलले जानकारी दिए।
भरतपुर महानगरपालिकाका उप मेयर चित्रसेन अधिकारी प्रमुख अतिथी रहनु भएको कार्यक्रममा उद्योग वाणिज्य संघ चितवनका अध्यक्ष सुमन कुमार श्रेष्ठ, पूर्व अध्यक्ष राजन गौतम , वडा नं ७ का वडा सदस्य अमृता गौतम, किरण अधिकारी, सेवा नेपाल संस्थाको अध्यक्ष पार्वती न्यौपाने, सेवा नेपालको कार्यकारी निर्देशक विष्णु कुमारी आचार्य, मोक्षालयका कार्यकारी निर्देशक रूपक घिमिरे आदिको उपस्थिति रहेको थियो।
कार्यक्रममा बिहार सरकारको मन्त्री महामहिम श्री जिवेश कुमार मिश्रले अनलाइन मार्फत सम्बोधन गरेका थिए भने
मुम्बई बाट बलियुडका फिल्म निर्देशक श्री बब्लु सोनिले सास्कृतिक कार्यक्रममा नेपालका कलाकारहरुलाई धन्यवाद सहित नयाँ बर्षको शुभकामना दिएका थिए।
साथै कार्यक्रममा चीनबाट चेम्बर अफ कमर्सका प्रतिनिधि सिआन् सेन्चोको समेत उपस्थिति रहेको थियो।
कार्यक्रममा बोल्दै प्रमुख अतिथी उप मेयर अधिकारीले यस्ता कार्यक्रमले युवाहरुलाई आफ्नै देशमा रहेर उद्यमी बन्न प्रेरित गर्ने र युवा उद्यमशीलतामा सहयोग पुर्याउने हुँदा आगामी दिनमा युवा लक्षित कार्यक्रमलाई महानगको तर्फबाट सहयोग रहने प्रतिवद्धता ब्यक्त गर्नु भएको छ।
थप मनोञ्जनका लागि गायिका अपेक्षा गिरीको प्रस्तुति रहेको थियो भने अर्विन ब्यान्डको गायन प्रस्तुति पनि समावेश गरिएको थियो। अन्य गायन, गजल र नृत्य प्रस्तुतिहरुबाट समेत मनोरञ्जन प्रदान भएको थियो।
स्टार्टप फिस्टालाई सेन्ट्रल कलेजले मुख्य प्रायोजन गरेको थियो भने अक्सफोर्ड कलेज, नारायणी चितवन सप्लायर्स, एस्वान बिल्डर्स,अधिकारी आलमुनियमा ट्रेडर्स, मंगलम डेन्टल, द ममताज फूटवेर, अस्मिता बुटिक एण्ड टेलर्स, चितवन बिजनेस कलेजले प्रायोजन गरेको थियो।
सरल नेपाल, सोच परिवर्तन नेपाल , बेटर चितवन, ग्रीन चितवन, हाम्रो दृष्टी राम्रो दृष्टी, विमोचन इभेन्ट ,ब्लड डोनर्स सोसाइटी , वाइएसेन्, एनवाइसिए ,भरतपुर महानगर युवा सञ्जाल ,युवा क्लब वडा नं ७ आदिको सहकार्यमा मोक्षालय फिस्टा सम्पन्न भएको छ।
आगामी दिनहरुमा पनि युवा लक्षित कार्यक्रम मोक्षालयले गर्ने मोक्षालयका अध्यक्ष मनिष पौडेलले बताए।
युवाहरुले कुनै पनि कार्यक्रम गर्न चाहेको खण्डमा मोक्षालले सहकार्य गर्ने निर्देशक रूपक घिमिरेले जनाए।
