चितवन । नेपाल सुनचांदी व्यवसायी महासंघको चुनावी सरगर्मी ह्वात्तै बढेको छ । अधिवेशन नजिकिदै गर्दा उमेद्वारहरु प्यानलनै बनाएर चुनावी प्रतिस्पर्धामा होमिएका छन । चितवनबाट केन्द्रिय अध्यक्षमा विपिन रामुदामु र अर्जुन रसाइली चुनावी मैदानमा होमिएका छन । दुबै प्यानल अहिले मत र मन माग्न देश दौडाहामा छन । महासंघको यही चैत्र २३ र २४ गते हुन गईरहेको चौथो महाधिवेशनको नयांँ नेतृत्वको लागि रामुदामु र रसाइलीको रस्साकस्सी छ । केन्द्रिय महाधिवेशनमा चितवनका दुबै उमेद्वार अध्यक्षका लागि दाबेदार छन भने अन्य जिल्लाबाट अध्यक्षको उमेद्वारी हालसम्म परेको छैन ।
यही क्रममा चैत्र २० गते मंगलबार भरतपुरमा रामुदामुको प्यानललले गरेको महासंघका पदाधिकारीसंगको भेटघाट र छलफलका क्रममा सुनचांँदी व्यवसायी महासंघ चितवनका वर्तमान अध्यक्ष डा यम बहादुर विकले विपीन रामुदामुको प्यानलबाट केन्द्रिय सदस्यको उमेद्वारी दिने घोषणा गरेका छन । विगत लामोसमयदेखि व्यवसाय सञ्चालन गर्दै विपिनले महासंघको विभिन्न पदमा रहेर व्यवसायीको हक हित अधिकारका लागि काम गर्दै आएको भन्दै रामुदामुको प्यानलबाट केन्द्रिय सदस्य पदको उमेद्वारी दिएकोे उनले बताए । देशभरबाटनै विपिनको प्यानलबाट व्यापक समर्थन र साथ रहेको र जित पनि रामुदामुको प्यानलकै हुने निश्चित भएकोले आफुले यही प्यानलबाट उम्मेद्वारी दिन लागेको डा बिकेको भनाई छ ।
सो क्रममा रामुदामुले सुनको सिण्टीकेट, व्यवसायिक तथा भौतिक सुरक्षा, सुन व्यवसायको वर्गीकरण, रोजगारी बृद्धि , सिधै सुन खरिद गर्ने पाउने व्यवस्था, सुन बैंक स्थापना गर्न पहल कदमी गर्ने लगायतका प्रतिबद्धता व्यक्त गरेका छन । कार्यक्रममा देशभरका सुनचांँदी व्यवसायी संघका अध्यक्ष, पदाधिकारी, सदस्य लगायतको उल्लेखनीय सहभागिता रहेको थियो । कार्यक्रम महासंघका केन्द्रिय अध्यक्ष मणिकरत्न शाक्यको प्रमुख आतिथ्यता एवं डा बिकेको अध्यक्षतामा सम्पन्न भएको थियो ।
