सर्वशक्ति बचत तथा ऋण सहकारी संस्था लिमिटेड , भरतपुर ,चितवनले आफ्नो स्थापनाको १२ औँ वार्षिक उत्सवको अवसरमा खुला रक्तदान कार्यक्रमको आयोजना गरेको छ।
सहकारी संस्थाको भरतपुर -१६,विजयनगर स्थित सेवा केन्द्रमा सञ्चालित उक्त रक्तदान कार्यक्रममा २९ जना महिला र ९४ जना पुरुषहरू सहित जम्मा १२३ जना रक्तदाताहरूले आफ्नो अमूल्य रगत दान गर्नुभएको थियो। भरतपुर महानगरपालिका वडा नम्बर १६ का वडाध्यक्ष अमृतराज हमालको प्रमुख आतिथ्यतामा सम्पन्न उक्त कार्यक्रममा संस्थाका वरिष्ठ उपाध्यक्ष तीर्थराज घिमिरे सचिव श्री विष्णुप्रसाद पौडेल ,कार्यक्रम संयोजक मिरा कुमारी श्रेष्ठ लगायत अन्य पदाधिकारी तथा कर्मचारीहरूको उपस्थिति रहेको थियो।
विजयनगर स्थित शिवमन्दिर प्राङ्गणमा सम्पन्न भएको उक्त कार्यक्रममा चितवन र नवलपुरका रक्तदाताहरूको सहभागिता रहेको कुरा संस्थाका लेखा समिति सदस्य चक्रधर पौडेलले जानकारी दिनुभयो।
