चैत १, २०८० बिहिबार
वीञ्ज । नेल भारतको आपसी सम्बन्ध, सीमा सुरक्षा र भारतमा हुन गइरहेको निर्वाचनको विषयमा वीरगञ्जको सीमावर्ती सहर रक्सौलमा नेपाल भारतका सुरक्षा अधिकारी, स्थानीय बासिन्दा, उद्योगी व्यवसायीहरूबिच सर्वपक्षीय बैठक सम्पन्न भएको छ ।
बुधवार भएको बैठकमा भारतीय एसएबी फोर्सका कमान्डर महानिरीक्षक पङ्कज दरादले नेपाल–भारत मैत्री सम्बन्ध सुधारमा एसएसबी फोर्स सदैव क्रियाशील रहेको बताउँदै सीमा क्षेत्रमा विगतमा राखिएका अस्थायी चेकपोस्टका कारण नेपालतर्फ उत्पन्न भएको असुविधाप्रति क्षमा याचना गर्दै अस्थायी सुरक्षा चेकपोस्ट हटाइएको बताए ।
उनले भारतमा हुन गइरहेको लोक सभाको निर्वाचनलाई लिएर सुरक्षा व्यवस्था मजबुत बनाउन नेपालको तर्फबाट उचित सहयोग पुग्ने अपेक्षा आफूले लिएको बताए ।
आइजिपी दरादले अब वीरगञ्ज – रक्सौलको सीमा क्षेत्रमा सुरक्षा चेकपोस्ट नभई सहायता कक्ष स्थापना गरिने दाबी गर्दै यसबाट नेपाल आउने जाने सर्वसाधारणलाई सहयोग पुग्ने बताए ।
बैठकमा सशस्त्र सीमा बलका उप–महानिरीक्षक एस सुब्रमण्यम, कमान्डेन्ट विकास कुमार, कमान्डेन्ट एनएस मेहरा, द्वितीयक कमान अधिकारी सुन्दरम, उप कमान्डेन्ट दीपक कृष्णा, वीरगञ्जस्थित भारतीय महावाणिज्य दूतावासका वाणिज्य दूत शैलेन्द्र कुमार, सुरेश पट्ट, जिल्ला प्रहरी कार्यालय पर्साका प्रहरी उपरीक्षक कुमोध ढुङ्गेल, पर्साका सशस्त्र प्रहरी नायब सङ्गम श्रेष्ठ, ग्रिन सिटी सामुदायिक केन्द्र वीरगञ्जका अध्यक्ष जयप्रकाश खेतान, वीरगञ्ज उद्योग वाणिज्य सङ्घका अध्यक्ष अनिल अग्रवाल, उपाध्यक्ष माधव राजपाल लगायतको सहभागिता रहेको थियो ।
