भरतपुर, मंसिर ३०।
भरतपुर महानगरपालिका वडा नं १० सप्तगण्डकी चोकमा रहेको द जिएमआई एकेडेमीले भोलि पुस १ गते देखि पिसिएल नर्सिङ्गको तेश्रो वर्षको परीक्षा दिएर बसेका विद्यार्थीहरुका लागि पिसिएल लाइसेन्स तयारी कक्षा सञ्चालन गर्ने भएको छ।
द जिएमआई एकेडेमीले नेपाल नर्सिङ्ग परिषद्, नेपाल स्वास्थ्य व्यवसायी परिषद्, नेपाल फार्मेसी परिषद् र चिकित्सा शिक्षा आयोगले लिने परीक्षाहरुमा विद्यार्थीहरुका लागि आवश्यक पर्ने कक्षा सञ्चालन गर्दै आएको छ।
१६ वर्ष देखि निरन्तर सेवा प्रदान गर्दै आएको द जिएमआई एकेडेमीले हाल सम्म उत्कृष्ट नतिजा दिन सफल रहेको कारण विद्यार्थीहरूको पहिलो रोजाइमा पर्न सफल भएको प्रवन्ध निर्देशक महेश लामिछानेले बताए।
हरेक कलेजबाट पढ्न आउने विद्यार्थी मध्य प्रथम, द्वितीय र तृतीय विद्यार्थीलाई एकेडेमीले १००%,७५% र ६०% छात्रवृत्ति प्रदान गर्ने र अग्रिम भर्ना गर्ने २०० जना विद्यार्थीहरुका लागि ३०% छुटको समेत व्यवस्था गरिएको निर्देशक लामिछानेले बताए।
साथै संस्थाले विद्यार्थीको सुविधाका लागि विभिन्न परिषद्को परीक्षाका लागि परीक्षा केन्द्र (काठमाडौं) सम्म लैजाने र ल्याउने व्यवस्था समेत दिँदै आएको छ। तीन महिना सम्म सञ्चालन रहने कक्षामा ४०० जना भन्दा बढी विद्यार्थीहरूको भर्ना हुने अनुमान गरिएको छ।
