२९ मंसिर ,चितवन
एक्सपर्ट पब्लिक स्पिकिङ च्याम्प-३ को तेस्रो संस्करणको अन्तिम अडिसन भोलि हुने भएको छ । माडिबाट सुरु भएको छनौट चरण पश्चिम् चितवनको शुक्रनगर, गैंडाकोट ,कावासोती ,टाँडि र पर्साहुँदै शनिबार भरतपुरमा अन्तिम अडिसन हुन लागेको हो ।
भरतपुरस्थित एक्सपर्ट एजुकेशनको सभाहलमा बिहान १० बजेबाट छनौट कार्यक्रम हुन लागेको आयोजकले जानकारी दिएको छ ।अडिसनमा भरतपुरका निजि तथा सामुदायिक बिद्यालयका विद्यार्थीहरुको सहभागिता रहने आयोजक बिमोचन इभेनटस एन्ड ईन्टरटेनमेन्टका प्रबन्ध निर्देशक बिमोचन आचार्यले बताउनुभयो ।सबैक्षेत्रको अडिसन सकिएपश्चात एकमुष्ट दोस्रो राउण्डमा पुग्नेहरुको नतिजा सार्वजनिक गरिने र तीन दिने निशुल्क तालिम दिएर दोस्रो,तेस्रो ,क्वाटरफाइनल ,सेमिफाइनल हुँदै फाइनलमा प्रतिस्पर्धा गराइने आचार्यले जानकारी दिनुभयो।
पहिलो र दोस्रो संस्करण सफलतापूर्वक सम्पन्न गरेको इभेन्टसको यो तेस्रो संस्करण हो । पहिलो संस्करणमा अरोमा कलेजका चिन्तामणि सुवेदी पहिलो, वाल्मीकि शिक्षा सदनकी साधना पौडेल दोस्रो र न्यू क्यापिटल कलेजकी ज्योति शर्मा तेस्रो भएका थिए । यस्तै दोस्रो संस्करणमा अरोमा कलेजका सौगात आचार्य पहिलो, एकता शिशु निकेतनका आशिष बन्जारा दोस्रो र स्काइराइडर स्कुलकी आयुश्मा पोखरेल तेस्रो भएका थिए ।
करिब ३ महिना सम्म चल्ने प्रतियोगितामा पहिलो हुने विजेताले ५० हजार रुपैयाँ, दोस्रो हुनेले ३० हजार रुपैयाँ र तेस्रो हुनेले २० हजार रुपैयाँ सहित मेडल ,ट्रफी , प्रमाण पत्र र छात्रवृत्ति पाउनेछन् ।प्रतियोगिताको निर्णायकमा अजिता अधिकारी र मनोज घिमिरे रहनुभएको छ ।प्रतियोगिताको फाइनल माघ २६ मा हुनेछ ।
