भरतपुर-५, गुलाफवाग,चितवन
भरतपुर महानगरपालिका वडा नम्बर -५ मा रहेको श्री भद्रकुमारी राष्ट्रिय आधारभूत विद्यालयले नयाँ भर्ना भएका विद्यार्थीहरूलाई स्वागत कार्यक्रम तथा अभिभावक भेला सम्पन्न गरेको छ।
उक्त कार्यक्रम सोही विद्यालयमा अध्ययनरत कक्षा ३ का विद्यार्थी उमङ्ग थापाको अध्यक्षता र भरतपुर-५ का वडा अध्यक्ष श्री युद्धप्रसाद श्रेष्ठको प्रमुख आथित्यतामा सम्पन्न भएको थियो। कार्यक्रममा भरतपुर-५ का वडा सदस्य चन्द्रमणी भूषाल, मुना तामाङ, अभिभावक, विद्यार्थी, शिक्षक, अभिभावक संघ , विद्यालय व्यवस्थापन समिती, आर्थिक संकलन अभियानको सचिवालय समिती, सल्लाहकार समिती लगायतको उल्लेखनिय उपस्थिति रहेको थियो।कार्यक्रमका प्रमुख अतिथि भरतपुर महानगरपालिका वडा नं ५ का वडा अध्यक्ष श्री युद्द प्रसाद श्रेष्ठले विद्यालय महानगर कै नमूना विद्यालय भएकाे र वडा तथा तथा महानगरबाट गर्नु पर्ने सहयाेगकाे लागि आफ्नाे प्रतिबध्दता जनाउनु भयाे। विद्यालयको शैक्षिक स्तरोन्नति, जग्गा खरिद तथा व्यवस्थापनार्थ संचालित आर्थिक अभियान २०७८/१०७९ का संयोजक तथा सल्लाहकार समिति सदस्य श्री भिमनारायण पौडेलले यस किद्यालयले गरेको शैक्षिक उन्नती प्रती खुसी व्यक्त गर्नु भयो।
सचिवालय समिती सदस्य तथा टाइगर चोक टोल विकास संस्थाका अध्यक्ष श्री लोकराज सापकोटाले विद्यालय हरेक तवरले राम्रो रहेको र यस विद्यालयले छिट्टै नै चितवन जिल्लामा नमुना विद्यालयको स्थान हासिल गर्न सफल हुने बिचार व्यक्त गर्नु भयो। कार्यक्रममा बोल्दै प्रा. डा. विष्णुहरि पौडेल तथा पूर्व अध्यक्ष वासुदेव पौडेलले विद्यालयको प्रगती प्रति खुसी व्यक्त गर्नु भयो। विद्यालयका प्रधानाध्यापक श्री राजेन्द्र प्रसाद चालिसेले यस बर्षका याेजनाहरु प्रस्तुत गर्नु भएकाे थियाे। प्रधानाध्यापकका अनुसार यस बर्षबाट नृत्य, संगित तथा आर्ट कक्षा संचालन गरिने, बाबू नानीहरु सहज तवरले विद्यालय आउन जानका लागि अमेरिका स्थित स्टार नेपालका अध्यक्ष श्री अमिर सुवेदीज्यू संगकाे सहयाेगमा यातायातकाे साधन थप गर्ने बताउनु भयाे भने स्टार नेपालकै सहयाेगमा प्रथम, द्वितीय र तृतीय हुने विद्यार्थीहरुलाई क्रमश: 250, 150 र 100 का दरले मासिक छात्राबृत्ती उपलब्ध गराईने जानकारि दिनु भयाे। शैक्षिक गुणस्तर अभिबृदध्दिकाे लागि कुनै कमजाेरि बाकि नराखी अघि बढिने प्रतिबध्दता ब्यक्त गर्दै भाैतिक सुविधा विस्तारकाे लागि सम्बन्धित निकायकाे ध्यान आकर्षण गर्नु भयाे। करिव ३५० जना विद्यार्थी अध्ययनरत यस विद्यालयमा कक्षा काेठा थप गर्नु पर्ने र कम्पाउण्डवालकाे आवश्यकता ओैँल्याउनु भयाे ।
विद्यार्थीले सुरु देखि अन्त्य सम्म कार्यक्रम संचालन गरेका थिए भने शिक्षक तथा कर्मचारीकाे सकृयता प्रशंसनिय रहेकाे थियाे। शिक्षक तथा विद्यार्थीहरुकाे नृत्य, अभिभावककाे उपस्थितिअत्यन्तै अनुकरणीय थियाे।
बार्षिक याेजना आयाेजना गरिएकाे कार्यक्रममा सहायक प्रधाध्यापक श्री राेजिना न्याैपानेले स्वागत मन्तब्य राख्नु भएकाे थियाे भने साँस्कतिक कार्यक्रमकाे संयाेजन अतिरिक्त क्रियाकलापका संयाेजक श्री प्रदिप कुमार करले गर्नु भएकाे थियाे। उक्त कार्यक्रमा सेनेटरि प्याड फाेटाे च्यालेन्जमा प्रथम र द्वितीय हुने क्रमश: भरतपुर -५ गुलाफवागकी रक्षा रिजाल , माडि देवनगरका साैगात तिमिल्सेनालाई नगद रु 1000 र 500 प्रदान गरिएकाे थियाे।
