बैशाख २३, काठमाडौं । पालिका चुनावलाई केन्द्रमा राखेर सत्तारूढ पाँचदलीय गठबन्धनका तर्फबाट काठमाण्डाैमा आयोजना गरिएको चुनावी सभा सुरु भएको छ ।
काठमाण्डाैकाे रत्नपार्कमा सुरु यस सभालाई गठबन्धनका शीर्ष नेताहरूले सम्बोधन गर्ने कार्यक्रम छ । यही वैशाख ३० गते हुने पालिका चुनावलाई केन्द्रमा राखेर गठबन्धले देशव्यापी संयुक्त आमसभा गरिरहेका छन् ।
हिजाे बिहीवार मात्रै गठबन्धनले चितवनको भरतपुरमा चुनावी सभा आयोजना गरेको थियो । काठमाण्डाैमा गठबन्धनकातर्फबाट प्रमुख पदका उम्मेदवारमा सिर्जना सिंह हुनुहुन्छ । सभालाई नेपाली कांग्रेसका सभापति एवम् प्रधानमन्त्री शेरबहादुर देउवा, नेकपा (माओवादी केन्द्र) का अध्यक्ष पुष्पकमल दाहाल प्रचण्ड, नेकपा (एकीकृत समाजवादी) का अध्यक्ष माधवकुमार नेपाल, जनता समाजवादी पार्टीका नेता राजेन्द्र श्रेष्ठ र राष्ट्रिय जनमोर्चाका अध्यक्ष चित्रबहादुर केसीले सम्बोधन गर्ने कार्यक्रम छ ।
