बैशाख ०९, चितवन । भरतपुर महानगरपालिकाको कार्यबाहक मेयरको जिम्मेवारी उपमेयर पार्वती शाह ठकुरीलाई दिईएको छ । मेयर रेनु दाहालले पदबाट राजीनामा दिएसँगै उपमेयर शाहले मेयरको जिम्मेवारी पाएकी हुन् ।
दाहालले आज (शुक्रबार) पदबाट राजीनामा दिएकी हुन् । उनले उममेयर शाहलाई राजीनामा पत्र बुझाएकी छन् । नताको चाहना अनुसार फेरि मेयरका लागि चुनावी मैदानमा जान आफुले पदबाट राजीनामा दिन लागेको दाहालले बताईन् ।
‘जनताको भावना र चाहना अनुसार फेरि मेयरमा उठेर सेवा गर्न खोजिकी छु, उनले भनिन्, ‘एक कार्यकल फेरि दु:ख गर्नुपर्छ भनेर मैदानमा उत्रिन लागेकी हुँ ।’ निर्वाचन आयोगको प्रावधानअनुसार आउँदो निर्वाचनमा उम्मेदवारी दर्ता गराउने जनप्रतिनिधिले राजीनामा दिनुपर्नेछ ।
दाहाल गत २०७४ को स्थानीय तहको निर्वाचनबाट मेयरमा निर्वाचित भएकी थिईन् । कांग्रेससँग गठबन्धन गरेर उनी माओवादी केन्द्रबाट मेयर बनेकी थिईन् । यस्तै शाह कांग्रेसबाट उपमेयर बनेकी हुन् ।
