भरतपुर-०४/१८
टिवी हिमालको नेतृत्वमा डाेजर अपरेटर चालक संघ पुनर्गठन भएको छ । केन्द्रीय संघको चितवनमा सम्पन्न चाैथाे साधारणसभा एवं १९ अाैं विशेष भेलाले हिमालकाे नेतृत्वमा नयाँ कमिटी पुनः गठन गरेको हाे । नवगठित संघको उपाध्यक्षमा बैकुण्ठ प्रसाद रिजाल र रमेश सापकोटा, सचिवमा मिन बहादुर घिसिङ, सहसचिव लक्ष्मण विक र काेषादध्यक्ष मनाेज दर्जी सहित पदाधिकारी निर्विरोध चयन भएका छन् । यस्तै सदस्यहरूमा कमल रसाइली, प्रदिप विक, उमेश विक र अर्जुनबावु न्याैपाने चयन गरिएको नवनिर्वाचित अध्यक्ष हिमालले जानकारी दिनुभयो ।
कार्यक्रममा स्वतन्त्र चालक समाजका केन्द्रीय अध्यक्ष मिलन श्रेष्ठले मजदुर एकता नै अाजकाे अावश्यकता रहेको बताउनुभयो । उहाँले समस्या हुदाँ मात्रै संगठन खाेजिएकाे गुनासो गर्नुभयो । प्रमुख अतिथि समेत रहनुभएका अध्यक्ष श्रेष्ठले राजनीतिक दलहरूले अाफुहरूलाई साधनको रूपमा प्रयोग गरिरहेकाले त्यसलाई ताेड्नुपर्नेमा जाेड दिनुभयो । जिल्ला समन्वय समिति चितवनकी उपाध्यक्ष कल्पना काफ्ले सापकोटाले मजदुरको समस्या सम्बाेधनका लागि अाफुले सहयोग गर्ने प्रतिबद्धता व्यक्त गर्नुभयो । संस्थागत एकता लागि केन्द्रीकृत हुन उहाँले सुझाव दिनुभयो ।
महिला अधिकारकर्मी एवं मजदुर नेता सावित्री पाैडेलले चालकका समस्या समाधानका लागि राज्य उदासीन भएको अाराेप लगाउनुभयाे । उहाँले निति नियम कार्यान्वयनमा समेत जाेड दिनुभयो ।कार्यक्रममा स्वतन्त्र चालक समाजका केन्द्रीय प्रवक्ता रेशमराज पाैडेल, कर्णाली प्रदेशका पहिलो अपरेटर दिनेश वयक, वरिष्ठ डाेजर मेकानिक कमल रसाइली, जनवादी गायक भेष रसाइली, अासिहारा काईकुन प्रशिक्षक अमृत विक, संस्थाका सस्थापक काेषाध्यक्ष मनाेज परियार लगायत अतिथि उपस्थित रहनुभएकाे थियो । नवगठित कमिटीको पहिलो बैठकले सहकारी माेडलमा काेष सुचारू गर्ने निर्णय गरेको छ । सँगै देशव्यापी सदस्यता वितरण कार्यलाई समेत अघि बढाउने संघका सचिव मिन बहादुर घिसिङले जानकारी दिनुभयो ।
